PITUTUR IPUN TIYANG SEPUH

Bocah Bagus Anakku Lanang,

Ojo Wedi,… Golek-o Pepadhange Dalan,

Ora Kendhat Anggonku Ngengudhang,

Duh Bocah Bagus Anakku Lanang.

Wong Tuwamu Dudu Raja,

Sing tak Wariske Dudu Bandha Dunya,

Sangumu Mung Isi Pitutur,

Muga Dadi Titah Kang Luhur.

Anak Lanang Bagusing Ati,

Ojo Lali Anggonmu Memuji,

Marang Gusti Kang Murbeng Dumadi,

Mugo Dadi Padhange Ati.

Urip Ing Dunyo Iku Sedhelo,

Urip Ing Kono Koyo Samudro,

Mulo Ngger…., Ojo Wegah Podho Tetanen,

Ing Kono Mbesuk-e Bakal Panén.

Bocah Bagus Anakku Lanang,

Ojo Nganti Ninggal Piwulang,

Mumpung Jembar Golek-o Pepadhang,

Ojo Jirih Ing Pepalang.

Sejatine Ora Ono Opo-Opo…..,

Sejatine Jagadawujud Suwung,

Ora Warno Lan Ora Rupo,

Sing Ono Mung Awang-Uwung.

Akehing Bandha Dudu Ukuran,

Drajat Lan Pangkat Dudu Takeran,

Lan Pepujane Rasa Dudu Anak,

Pagering Jiwo Dudu Sanak.

Wong Tuwamu Dudu Dewo,

Ora Wenang Nulis Garise Manungso,

Sangumu Mung Isi Pitutur,

Mugo Dadi Titah Kang Luhur.

Random Posts

Leave a Reply

Your email address will not be published. Required fields are marked *

*
*